Lotto Booth

Pila dito, pila doon
Walang pakialam sa mga taong nakikita
Mas mahalaga ang makarating sa may bintana

Numero.. anim
Tinta ng bolpen ay tumatak

Kapirasong papel ay pag-asa
Nakasalalay ang kinabukasan
Numero’y inalagaan

Pagod, pawis..
Sakit ng binti’y di alintana
Makaahon sa kahirapan ang nasa isip twina

Sige pa..
Unti-unti’y lumalapit
Karangyaan ay sasapit
Pagkalam ng sikmura ay mawala
Bitbit ang mga anak, tangan ay ang bolpen

Sa paglubog ng araw
Lotto booth ay nakasagupa
Pag-asa ang kasama..